2011-yil 21-oktyabr kuni soat 11.00 da O’zbekiston avtomobil va daryo transporti agentligi hay’atining navbatdagi yig‘ilishi bo‘lib o‘tadi. Unda, odatdagidek, Agentlik hay’ati a’zolari, Agentlik Markaziy apparati bo‘limlari va xizmatlari, shuningdek, hududiy bo‘limlar boshliqlari ishtirok etadilar.
Hay’at yig‘ilishida kun tartibiga ko‘ra quyidagi masalalar ko‘rib chiqiladi:
- 1. O’zbekiston Respublikasi Vazirlar Mahkamasining 2011-yil 19-oktyabrda o‘tkazilgan “2011-yilning 9-oyligida respublikani ijtimoiy-iqtisodiy rivojlantirish yakunlari to‘g‘risida”gi majlisi haqida.
- O’zbekiston Respublikasi Vazirlar Mahkamasining Kommunal soha, transport, kapital qurilish va qurilish industriyasi masalalari kompleksining joriy yilning 5 oktyabrida o‘tkazilgan 2011-yil 9 oylik yakunlariga bag‘ishlangan kengaytirilgan yig‘ilishi haqida.
- O’zbekiston avtomobil va daryo transporti agentligining 2011-yil yanvar-sentyabr oylaridagi ish yakunlari to‘g‘risida.
- Vazirlar Mahkamasining 2011-yil 18-maydagi 139-sonli qarori ijro etilishining borishi haqida.
- Avtoshohbekat va avtoboshbekatlarda xavfsizlikning ta’minlanishi masalasi.
- Agentlikda joriy etilgan axborot-kommunikatsiya texnologiyalardan hududiy bo‘limlarda samarali foydalanilishi holati to‘g‘risida.
- Vazirlar Mahkamasining 2011-yil 12-avgustda Agentlikka biriktirilgan kasb-hunar kollejlari bo‘yicha olib borilayotgan ishlar (bitiruvchilarni ishga joylash, 32 ta kollejga otaliq qilish) to‘g‘risida.
- O’zbekiston avtomobil va daryo transporti agentligi bo‘yicha 2011-yilning 9 oyligida ijro intizomi va fuqarolar murojaatlari yuzasidan olib borilgan ishlar to‘g‘risida va hokazo.
