15.12.2011 / 190 marta o`qilgan
Farg‘ona viloyatida tadbirkorlarning avtotransport xizmatiga sarmoya kiritishga bo‘lgan qiziqishi evaziga yo‘lovchilarga qo‘shimcha qulayliklar yaratilmoqda.
Sohada tashkil etilgan qulay va teng huquqli raqobat muhiti tufayli avtokorxonalar o‘z imkoniyatlaridan kelib chiqib va lizing kompaniyalari bilan hamkorlikda yangi avtobuslar sotib olishga intilmoqdalar. Jumladan, yaqindagina “Farg‘ona avtotrans xizmat” MChJ o‘z mablag‘i hisobidan to‘rtta zamonaviy “Isuzu” NP-37 rusumli avtobus sotib olib, Farg‘ona shahri aholisining xizmatiga chiqargan edi. Oradan ko‘p o‘tmay Marg‘ilon shahridagi “Mohlaroyimrivoj trans” MChJ ham lizing kompaniyasi mablag‘i hisobidan xarid qilgan ikkita “Isuzu” NP-37 rusumli avtobusini shahardagi 2-sonli yo‘nalishga chiqarishga erishdi.
Umuman, bugungi kunda viloyatda 624 ta avtobus yo‘lovchilarning uzog‘ini yaqin qilishdek xayrli ish bilan band bo‘lib, ularning hammasi Samarqand avtomobil zavodida ishlab chiqarilgan zamonaviy va har jihatdan qulay “Isuzu” avtobuslaridir.
O`zbekiston avtomobil va daryo transporti agentligi Axborot xizmati
