|
|
LITSENZIYA OLISH UCHUN ELECTRON POCHTADAN FOYDALANISH
Saytimizning “Hujjatlar shakllari” bo`limida litsenziya olish uchun yoziladigan arizaning elektron shakli va arizaga ilova qilinadigan hujjatlar ro`yxati joylashtirilgan bo`lib, agar Siz litsenziya da`vogari bo`lsangiz, ariza hamda arizaga ilova qilinadigan hujjatlarning nusxalarini elektron pochta orqali litsenziya@uzaart.uz manziliga yuborish imkoniyatiga egasiz. Shunda jarayon quyidagi tartibda davom etadi:
- Litsenziyalash bo`limi xodimi tomonidan ushbu hujjatlarning qanchalik to`liq ekanligi o`rganib chiqiladi va hujjatlarning aslini yuborish mumkinligi to`g`risidagi xulosalar yoki kamchiliklarni tuzatish bo`yicha takliflar yana elektron pochta orqali Sizga qaytariladi;
- Siz hujjatlar to`liq ekanligi haqidagi xabarni olsangiz, hujjatlarning asl nusxalarini o`z kur`eringiz orqali Agentlik hududiy bo`limidagi kur`erga jo`natib, bu haqda elektron pochta orqali Agentlikka ma`lum qilishingiz kerak bo`ladi;
- Agentlik hududiy bo`limidagi kur`er hujjatlarning asl nusxalarini Agentlikka topshirishi bilan bu haqdagi ma`lumot bazaga kiritilib, ayni paytda Sizning elektron pochtadagi xatingizga javob tariqasida ma`lum qilinadi va hujjatlar Agentlikning Litsenziyalash bo`yicha komissiyasiga kiritiladi;
- Hujjatlar komissiyadan chiqqach, Komissiyaning litsenziya berish haqidagi xulosasi, litsenziya olish uchun qancha miqdordagi bojni qaysi hisobga o`tkazish kerakligi va litsenziyani olib ketish uchun Agentlik hududiy bo`limi kur`eriga ishonchnoma berish mumkinligi haqidagi ma`lumotlar yoki litsenziya berish rad etilganligi to`g`risidagi xulosa Sizning elektron pochtangizga yuboriladi.
- Komissiyaning litsenziya berish haqidagi xulosasi ayni paytda Buxgalteriyaga ham yuboriladi. Buxgalteriyada "Bank-Mijoz" dasturi yordamida tegishli bojlarning tushganligi qayd etilishi bilan bu haqda Litsenziyalash bo`limiga ma`lum qilinadi.
- Boj undirilgach, Litsenziya bo`limida tegishli litsenziyani berish haqidagi ma`lumotlar bazaga kiritiladi va dastur orqali ushbu litsenziya blankaga chop etilib, Agentlik hududiy bo`limi kur`eriga ishonchnomaga asosan topshiriladi hamda bu haqda Sizning elektron pochtangizga xabar yuboriladi.
- Siz litsenziyani olganligingiz haqida Agentlik pochtasiga xabar jo`natishingiz lozim. Agar litsenziya Sizga yetib kelmasa, bu haqda 3 ish kunidan kechikmay xabar berishingiz lozim. Aks holda bazaga litsenziya yetib borganligi qayd etib qo`yiladi.
|
|
|
|
