Shaharlararo-viloyatlararo va xalqaro yo`nalishlarni joylashtirish uchun ochiq tenderlar
o`tkazishni tashkil etish masalalari bo`yicha
idoralararo komissiya

      Shaharlararo-viloyatlararo va xalqaro yo`nalishlarni joylashtirish uchun ochiq tenderlar o`tkazishni tashkil etish masalalari bo`yicha idoralararo komissiya shaharlararo-viloyatlararo va xalqaro yo`nalishlar ishini takomillashtirish, transport xizmatlari ko`rsatish bozorida sog`lom raqobat muhitini ta`minlash va ushbu vazifalarning bajarilishini nazorat qilishni ta`minlash maqsadida O`zbekiston Respublikasi Vazirlar Mahkamasining 1999 yil 29 iyuldagi “Shahar atrofi, shaharlararo va xalqaro yo`lovchilar tashish avtomobil transportida ochiq tenderlar tashkil etish va o`tkazish masalalari to`g`risida”gi 368-sonli qarori bilan tashkil etilgan. 
       Komissiya tarkibi O`zbekiston avtomobil va daryo transporti agentligi, O`zbekiston Respublikasi Ichki ishlar vazirligi, O`zbekiston Respublikasi Adliya vazirligi, Davlat soliq qo`mitasi, Davlat bojxona qo`mitasi, Monopoliyadan chiqarish va raqobatni rivojlantirish davlat qo`mitasi va O`zbekiston Respublikasi Savdo-sanoat Palatasining rahbar xodimlaridan shakllantiriladi.
      Shaharlararo-viloyatlararo va xalqaro yo`nalishlarni joylashtirish uchun ochiq tenderlar o`tkazishni tashkil etish masalalari bo`yicha idoralararo komissiya to`g`risidagi Nizomga ko`ra quyidagilar Komissiyaning asosiy vazifalari hisoblanadi:

• shaharlararo-viloyatlararo va xalqaro yo`nalishlarda yo`lovchilar tashish transportining bir maromda ishlashini ta`minlashga oid ishlarni muvofiqlashtirish;
  
• transport xizmatlari ko`rsatish bozorida mulkchilikning turli shakllaridagi tashuvchilar uchun teng shart-sharoitlar yaratish va sog`lom raqobatni rivojlantirish;
  
• shaharlararo-viloyatlararo va xalqaro yo`lovchilar tashish yo`nalishlarini joylashtirish uchun tenderlar tashkil etish va o`tkazish;
  
• yo`lovchilar tashish transportini rivojlantirish, ular tomonidan ko`rsatiladigan xizmatlarning hajmlari va turlarini kengaytirishga oid kompleks chora-tadbirlarni amalga oshirishda qatnashish;
  
• yo`lovchilar huquqlariga rioya qilinishini ta`minlash.
  

      Komissiya faoliyatini tashkiliy-texnik ta`minlash O`zbekiston avtomobil va daryo transporti agentligi tomonidan amalga oshiriladi.



Yangilangan sana: 14.03.2009 19:04